Шымкентте шетелдіктен аса ірі мөлшерде есірткі тәркіленді

Шымкентте 21 жастағы шетелдік азамат "синтетика" таратумен айналысқан. Оны қалалық ПД Есірткі қылмысына қарсы күрес басқармасының қызметкерлері құрықтады, деп хабарлайды polisia.kz.

Басылым мәліметіне сүйенсек, тексеру барысында ер адамнан мефедрон салынған бумалар табылып, тәркіленген. Психотроптық заттардың жалпы салмағы 100 грамнан асады.

Қазір ұсталған ер адам уақытша ұстау изоляторына қамалды.

Анықталған жайт бойынша полиция тергеу әрекеттерін жүргізіп жатыр.

Осы ретте тәртіп сақшылары есірткінің заңсыз айналымына байланысты қылмыстар үшін ұзақ жылдарға бас бостандығынан айыру жазасы көзделгенін ескертті.