Шымкентте көлік терезесін күңгірттеген 20 мыңға жуық жүргізуші жауапқа тартылды (видео)

Шымкентте көлік терезесін күңгірттеген 20 мыңға жуық жүргізуші жауапқа тартылды. Бұл туралы Polisia.kz хабарлайды.

Басылым мәліметіне сүйенсек, Патрульдік полиция полкінің қызметкерлері жолдағы құқықбұзушылықтарды болдырмау және оны дер кезінде анықтау мақсатында мегаполис жолдарында үздіксіз рейдтік іс-шаралар жүргізіп жатыр.

Атқарылған жұмыстардың нәтижесінде жыл басынан бері көлік терезесін күңгірттеген 19 629 жүргізуші жауапкершілікке тартылған.

Оларға қатысты ӘҚБтК-нің 590-бабы 5-бөлігі бойынша әкімшілік хаттама толтырылды. Автокөлік иелерімен дер кезінде әйнектегі күңгірттеу қағазын алып тастау жұмыстары жүргізілді.

Осы тұста тәртіп сақшылары техникалық регламенттердің, ұлттық стандарттар талаптарына сай келмейтiн, сондай-ақ көлік құралдарын пайдалануға тыйым салынатын ақаулар мен жағдайлары бар көлiк құралдарын басқару 5 АЕК мөлшерiнде айыппұл салуға әкеп соғатынын ескертті.

Мәтіннен қате тапсаңыз, бізге жазыңыз