Қызылорда облысында білім басқармасының ауласында бейәдеп сөз айтқан әйел сотта жауап берді

Қызылорда облысының тұрғынына ұсақ бұзақылық жасағаны үшін айыппұл салынды. Ол білім басқармасының ғимаратында бейәдеп сөздер айтқан, деп хабарлайды облыстық сотқа сілтеме жасаған KAZ.NUR.KZ.

Соттың ресми Telegram-дағы арнасында пайда болған ақпаратқа сай, Сырдария аудандық сотында азаматқа қатысты ҚР ӘҚБтК-нің 434-бабының 1-бөлігімен қарастырылған әкімшілік құқық бұзушылық туралы іс қаралды.

"Құқық бұзушы Ж. қоғамдық орында, яғни білім бөлімінің ғимаратының ауласында азаматша І.-ге былапыт сөйлеп ар-намысына тиетін сөздер айтып, айналасындағыларға ыйламаушылықты бiлдiріп, қоғамдық тәртiп пен жеке тұлғалардың тыныштығын бұзған", - делінген хабарламада.

Сот отырысында құқық бұзушының ұсақ бұзақылық әрекеті, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген.

Сот қаулысымен құқық бұзушы Ж. Қазақстан Республикасының ӘҚБтК-нің 434 бабының 1 бөлігімен кінәлі деп тауып, оған 51 688 теңге әкімшілік айыппұл салынды.