Құпия бөлмеде жасырынған: Астанада халықаралық іздеуде жүрген күдікті ұсталды
Опубликовано:
Елорда полицейлері халықаралық іздеуде жүрген күдіктіні ұстады. Ол аса ірі көлемде есірткі сатқан деген күдікке ілінген. Бұл туралы Ішкі істер министрлігіне сілтеме жасаған KAZ.NUR.KZ хабарлайды.
Ведомство мәліметінше, Астанада ұсталған 26 жастағы ер адам аса ірі көлемде есірткі сатқаны үшін халықаралық іздеуде болған.
"Тергеу барысында оның есірткі саудасын жасырын орындар арқылы іске асырғаны анықталды.
Күдікті жеке үйде жасырынған, ал оның арнайы жабдықталған құпия бөлмесіне кіретін есік диванның артында орналасқан", - делінген полиция хабарламасында.
Ұсталған ер адам тергеу изоляторына қамалды.
Айта кетейік, Көкшетау қаласында отандық сериалдардан белгілі актер 4,5 мың доза синтетикалық есірткі затын сатпақ болды деген күдікке ілінді.
Шымкентте 21 жастағы шетелдік азамат "синтетика" таратумен айналысқан деген күдікке ілінді. Оны қалалық ПД Есірткі қылмысына қарсы күрес басқармасының қызметкерлері құрықтады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2197478-qupiia-bolmede-zhasyryngan-astanada-halyqaralyq-izdeude-zhurgen-kudikti-ustaldy/