Талғарда көшеде пышақпен жүгірген ер адам видеоға түсіп қалды

Желіде Талғарда ер адамның басқа бір адамның артынан пышақпен жүгірген видеосы пайда болды. Жағдайға қатысты полиция пікір білдірді, деп жазады KAZ.NUR.KZ.

Видео Instagram-дағы Info_Talgar парақшасында пайда болды. Көлік ішінде түсірілген видеода екі ер адам көрсетілген. Біреу қашып бара жатса, екіншісі оны қуып жетуге тырысқан. Ал ер адамның қолында пышаққа ұқсас зат болған.

Шабуыл жасамақ болған ер адамды әйел адам тоқтатуға тырысқан. Жазбада оқиға бүгін түнде, сағат 03:55-те болғаны айтылған.

Назар аударыңыз! Видеода бейәдеп сөздер бар!

Осыған байланысты NUR.KZ тілшісі Алматы облыстық полиция департаментіне пікір алу үшін сауал жолдады.

"Аталған факт бойынша полицияға шағым түскен жоқ. Дегенмен дерек Талғар аудандық полициясында тіркелді. Қазіргі уақытта болған жайтқа қатысты барлық мән-жайды анықтау үшін тексеру шаралары жүргізіліп жатыр", - делінген Алматы облыстық ПД хабарында.

Мәтіннен қате тапсаңыз, бізге жазыңыз