"Оқушыларға қалдық береді": Алматыда мектеп асханасы санитарлық талаптарды бұзды деген күдікке ілінді

Желіде Алматы тұрғыны мектеп асханасында санитариялық-эпидемиологиялық талаптардың бұзылғаны туралы хабарлаған видео пайда болды. Қалалық білім басқармасы оқиғаға қатысты түсініктеме берді, деп хабарлайды KAZ.NUR.KZ.

Желіде TikTok әлеуметтік желісінің қолданушысы бірден бірнеше видео жариялады, онда ол Алматыдағы мектептердің бірінің асханасында тамақтың қалай ұйымдастырылатынын көрсетіп, айтып береді. Сондай видеолардың бірінде №67 мектеп туралы айтылған.

Бұл видеоға Алматы қаласы әкімдігінің білім басқармасының баспасөз қызметі жауап берді.

"№67 орта мектепте тамақ өнімдерінің сапасына қатысты ақпараттың таралуына байланысты басқарманың хабарлауынша, видеода көрсетілген барлық мән-жайды зерделеу және түсіндіру үшін азық-түлік сапасын бақылау жөніндегі ведомствоаралық топтың жұмыс комиссиясы оқиға орнына барды.

Азық-түлік өнімдерін қайта пайдалану фактілері расталмады, бірақ тамақтануды ұйымдастыруда бұзушылықтар анықталды. Атап айтқанда, салаттардың қанағаттанарлықсыз сапасы тіркелді, бұл технологиялық карта мен ас әзірлеу процестерінің бұзылуына байланысты болуы мүмкін", - делінген басқарма хабарламасында.

Мониторинг қорытындысы бойынша, ведомствода расталғандай, Алматы қаласының санитарлық қауіпсіздік және бақылау департаментіне хаттар жолданды, ал мектеп директорына қатысты бақылауды әлсіреткені үшін тәртіптік шаралар қолданылады, ал департамент тамақтандыру қызметтерін жеткізушіге қатысты жоспардан тыс тексеруге бастамашылық жасайды.

Мәтіннен қате тапсаңыз, бізге жазыңыз