Полиция Атыраудағы балабақшада видеоға түсіп қалған жайтқа қатысты іс қозғады

Әлеуметтік желіде Атыраудағы балабақшалардың бірінде түсірілген видео тарады - кадрда тәрбиешінің баланы теуіп жатқанын көруге болады. Полиция іс қозғалғанын хабарлады.

"Ақ Жайық" басылымының жазуынша, видео жекеменшік балабақшадағы дайындық тобында түсірілген.

Атырау облыстық полиция департаменті өкілдері журналистерге бұл факт бойынша іс қозғалғанын хабарлады.

"Оқиға 15 қаңтарда Атыраудағы шағын ауданында балабақшалардың бірінде болды, қазір жан-жақты тергеу амалдары жүргізіліп жатыр", - деді полиция департаментінің баспасөз қызметі өкілі.

Облыстық білім басқармасының баспасөз қызметіндегілер басылымға оқиғаның болғанын растады.

Балабақша басшылығы AtyrauPress басылымына тәрбиешінің жұмыстан босатылғанын мәлім еткен.

Мәтіннен қате тапсаңыз, бізге жазыңыз