Атыраудағы балалар үйінде балаға қол көтерген ер адамның видеосы тарады

Атыраулық пабликтердің бірінде отбасы типіндегі "Шаңырақ" балалар үйіндегі жайттың видеосы тарады. Жайтқа қатысты қылмыстық іс қозғалған, деп хабарлайды "Мой город" басылымына сілтеме жасаған KAZ.NUR.KZ.

Өңірлік басылымның жазуынша, оқиға отбасы типіндегі "Шаңырақ" балалар үйінде болған. Кадрларға назар салсақ, ер адам спортзалда жасөспірімге бірнеше рет қол көтерген. Ер адам бұл әрекетке баруына баланың оны қорлауы себеп болғанын айтқан. Алдын ала дерек бойынша ол бұл балалар үйінде көлік жүргізушісі болып қызмет атқарған.

Атырау облысы полиция департаментінің баспасөз қызметі аталған оқиғаға қатысты қылмыстық іс тіркелкенін хабарлады. Қазіргі таңда тергеу әрекеттер кешені жасалып жатыр.

Мәтіннен қате тапсаңыз, бізге жазыңыз