Бүгін сотта Алмас Кішкенбаевқа қатысты іс қаралады
Жарияланған күні:
Читать на русском
Алмас Кішкенбаевқа қатысты іс сотқа жолданды, ол бүгін қаралады. Іс 31 қаңтарда қаралуға тиіс болған, алайда 3 ақпанға шегерілген, деп хабарлайды KAZ.NUR.KZ тілшісі.
Жоғарғы Сот сайтындағы сот кабинетінде жарияланған материалдарға сәйкес, Алмас Бексейітұлы Кішкенбаевқа қатысты іс Әкімшілік құқық бұзушылық туралы кодекстің 434-бабының 1-бөлігі бойынша қозғалған.
"2024 жылғы 31 қаңтарда жәбірленушінің, яғни, кәмелетке толмағанның заңды өкілінің іспен танысуына байланысты қарауды басқа күнге шегеру туралы ауызша өтініші бойынша істі қарау мүмкін болмады", - делінген құжатта.
Істі әкімшілік құқық бұзушылық істері жөніндегі мамандандырылған ауданаралық сот қарайды.
Сот отырысы бүгін сағат 17:20-да өтеді.
Айта кетейік, Қазақстанда Алмас Кішкенбаев есімімен танымал әнші бар. Ол "SuperStar.KZ" шоуына қатысқаннан кейін көпке мәлім болды.
Мақаланың түпнұсқасы: https://kaz.nur.kz/accidents/crime/2217482-bugin-sotta-almas-kishkenbaevqa-qatysty-is-qaralady/