Жүздеген SIM-карта тәркіленді: ІІМ өкілдері алаяқтар желісін жойғанын мәлімдеді

Ішкі істер министрлігінің киберқылмысқа қарсы іс-қимыл департаменті интернет-алаяқтардың сыбайластарымен белсенді күрес жүргізіп жатыр. Полицейлер алаяқтықпен айналысатындардан жүздеген sim-карта тәркілеген, деп хабарлайды KAZ.NUR.KZ ведомствоның Polisia.kz ақпараттық медиа-порталына сілтеме жасап.

Басылым мәліметінше, Шығыс Қазақстан облысы полиция департаментінің киберполиция қызметкерлері ҰҚКД және прокуратурамен бірлесіп, Өскемен қаласында үш мекенжайдан 489 sim-карта орнатылған 22 sim-box құрылғысын, 452 USB-интернет модемін, 13 компьютер, 4 роутер және бір ноутбук тәркіледі.

"Заңсыз іс-әрекеті үшін қаланың үш тұрғыны ұсталды", - деді ІІМ киберқылмысқа қарсы іс-қимыл департаментінің бастығы Жандос Сүйінбай.

Оған қоса Қарағанды қаласында шетел азаматы ұсталып, одан 128 слоты бар sim-box құрылғысы, екі мыңға жуық sim-карта, екі Wi-fi роутері және сигнал күшейткіш тәркіленді. Ұсталғандардың барлығы уақытша ұстау изоляторына қамалды.

Мәтіннен қате тапсаңыз, бізге жазыңыз