Қазақстанда ауқымды тұтқындаулар жүргізілді: 29 адам қамауға алынды (видео)

Ішкі істер министрлігі Қазақстанда бір аптада 110 келіден астам есірткі тәркіледі. 29 адам қамауға алынды деп хабарлайды Ішкі істер министрлігіне сілтеме жасаған KAZ.NUR.KZ.

Соңғы аптада Қазақстанның бірнеше қаласы мен облыстарында операциялар жүргізілді. Алматыда 26 жастағы ер адам көлігімен 2,5 кг мефедрон, 50 грамм кокаин және 30 грамм "экстази" есірткісін тасымалдау кезінде ұсталды.

Сондай-ақ бір келіге жуық мефедрон мен 20 грамм кокаинды автокөлікпен тасымалдаған екі азамат ұсталды.

Абай облысында 27 жастағы ер адам құрықталды. Ол түрме аумағына салмағы 2 кг болатын алты орам гашиш тастамақ болған.

Астанада 27 жастағы ер адам 10 келіден астам гашиш пен 265 грамм марихуана сақтаған. Ол есірткіні Telegram арқылы сатып алған.

"Нәтижесінде бір апта ішінде 29 адам қамауға алынды. 110 келіден астам есірткі тәркіленді. Олардың ішінде 78 келіден астам синтетика, 9 кг гашиш, 22 кг марихуана және 68 грамм кокаин. Ішкі істер министрлігі есірткі қылмыстарын анықтау және жолын кесу бойынша белсенді жұмысты жалғастырып жатыр", - деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.

Мәтіннен қате тапсаңыз, бізге жазыңыз