АШМ-ға қарасты департаментте қызмет еткен экс-шенеунік жемқорлық бойынша күдікке ілінді

Ауыл шаруашылығы министрлігіне қарасты департамент директорының бұрынғы орынбасары жемқорлық бойынша күдікке ілінді. Бұл туралы Сыбайлас жемқорлыққа қарсы іс-қимыл агенттігіне сілтеме жасаған KAZ.NUR.KZ хабарлайды.

"Сыбайлас жемқорлыққа қарсы қызметтің Астана қаласы бойынша департаменті ауыр сыбайлас жемқорлық қылмыс жасады деген күдік бойынша Ауыл шаруашылығы министрлігі департаменті директорының бұрынғы орынбасарына қатысты қылмыстық істі тергеп жатыр.

Ол үлестес компанияны қызметтік көлікті жөндеуге заңсыз тартты деп күдікке ілінді, сол арқылы бюджет қаражатын қолма-қол ақшаға айналдырып, ұрлап әкеткен, бұл мемлекетке 3 млн теңгеден астам шығын келтіруге әкеп соқтырған", - делінген Антикордың Telegram-дағы арнасында жарияланған хабарламада.

Агенттіктің мәліметінше, тергеу жалғасып жатыр, Қылмыстық-процестік кодекстің 201-бабына сәйкес өзге ақпарат жарияланбайды.

Мәтіннен қате тапсаңыз, бізге жазыңыз