Астанада жолаушылар автобусы бағанаға соғылды (фото, видео)

Желіде жол апатына түскен жолаушылары автобусының видеосы тарады. Куәгерлердің айтуынша, автобус бағанаға соғылған. Оқиға орнына медицина қызметкерлері жеткен, деп хабарлайды KAZ.NUR.KZ.

Astanovka98 Telegram-арнасында жарияланған жазбаларға сүйенсек, Астанадағы Самал ықшамауданында жолаушылар автобусы жол апатына ұшыраған.

Желідегі ақпараттарға сай, көлік құралы бағанаға соғылған. Зардап шеккендер туралы куәгерлер ақпарат берген жоқ. Қазіргі таңда оқиға орнында жедел жәрдем көліктері тұр.

Куәгерлер жол апаты болған жерде адамдар жиналып алғанын жеткізеді.

Артынша автобустың алдыңғы бөлігінің фотосы жарияланды. Кадрлардан көлік құралының есігі ашылмай қалғанын көруге болады.

KAZ.NUR.KZ Астана полиция департаменті баспасөз қызметіне аталған жайт бойынша сұрау салды.