Шерзат Болаттың өліміне қатысты іс бойынша 9 айыпталушыға үкім 5 маусымда жарияланады

Талдықорғанда өтіп жатқан Шерзат Болаттың өліміне қатысты іс бойынша сот отырысында судья Ержан Жанұзақов 9 айыпталушыға үкім 5 маусымда жарияланатынын мәлім етті, деп хабарлайды KAZ.NUR.KZ.

Бүгін, 3 маусымда өткен сот жарыссөзінде сотталушылардың қорғаушылары, ата-аналары және сотталушылар сөз алды. Жарыссөз соңында судья Ержан Жанұзақов тараптарға үкімнің қашан жарияланатынын хабарлады.

"Сот қылмыстық іс бойынша үкім шығару үшін кеңесу бөлмесіне шығады. Үкім 2025 жылғы 5 маусымда 16:00-де жарияланады", - деді сотқа төрағалық етуші судья Ержан Жанұзақов.

Айта кетейік, бұл іс бойынша 9 адамға қатысты айып тағылып отыр. Сот жарыссөзінде прокурор Дана Сәрсенбай оларға 1,5 жылдан 23 жылға дейін бас бостандығынан айыруды сұрады.