Құлсарыда қыз баланың денесі табылды: күдікті ұсталды

5 маусымда Құлсары қаласында жоғалып кеткен 2018 жылғы қыз баланың денесі түнде каналдан табылған. Баланың өліміне күдікті ретінде 36 жастағы тұрғын ұсталған. Бұл туралы Атырау облыстық полиция департаментіне сілтеме жасаған KAZ.NUR.KZ хабарлайды.

Полицияның мәліметінше, 5 маусымда шамамен сағат 12:00-де Құлсары қаласында 2018 жылы туған жасөспірім қыз үйінен шығып кетіп, қайта оралмаған.

Сағат 21:28 шамасында оның ата-анасы полицияға жүгінген.

Жедел-іздестіру іс-шараларының нәтижесінде 6 маусымда түнгі сағат 02:19 шамасында баланың денесі Құрсай өзегінен табылған.

"Баланы өлтірді деген күдікпен Құлсары қаласының 36 жастағы тұрғыны жедел ұсталды. Ол уақытша ұстау изоляторына қамалып, сот санкциясымен қамауға алынды.

Аталған дерек бойынша қылмыстық іс қозғалды. Қазір оқиғаның барлық мән-жайын анықтау мақсатында тергеу жүргізілуде. Полиция мұндай ауыр қылмыстар үшін заңда ең қатаң жаза қарастырылғанын ескертеді.

Қылмыстық істің тергелуі Атырау облыстық полиция департаменті бастығының ерекше бақылауында", - делінген хабарламада.