Астанада Перизат Қайрат ісі бойынша сот процесі басталды
Опубликовано:
Читать на русском
Бүгін, 9 шілдеде Астанада Перизат Қайрат пен оның анасына қатысты ісі бойынша сот процесі басталды.
Астана соттарының баспасөз қызметі NUR.KZ тілшісіне хабарлағандай, бүгін алдын ала тыңдау өткен, өтініштер қаралып жатыр.
Сот отырысты ашық немесе жабық форматта өткізу мәселесін шешу үшін кеңесу бөлмесіне кеткен.
24kz телеарнасының мәліметінше, жабық өткізу – бұл ең алдымен айыпталушының талабы. Перизат Қайраттың қорғаушысы қылмыстық істе банк деректері, жеке мәліметтер сияқты құпия сақталуы тиіс ақпараттың болуына байланысты отырысты жабық өткізу туралы өтінішін жеткізген.
Астана қаласы қылмыстық істер жөніндегі ауданаралық сотының залына Перизат Қайраттың өзі және Анасы Ғайни Алашбаева келген. Отырысқа қорғаушылар және іске қатысы бар өзге де тараптар қатысып жатыр. Бірнеше куәгер онлайн режимде қосылған.
Перизат Қайрат сот залында өзін және анасын фото, бейне таспаға түсіруге қарсы екенін жеткізген.
Естеріңізге сала кетейік, бұған дейін Перизат Қайрат пен оның анасына қатысты іс сотқа жолданғанын хабарлаған едік. Бас прокуратура ұсынған мәлімет бойынша, олар 3 миллиардтан астам теңгені жымқырды деп айыпталып жатыр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2263602-astanada-perizat-qairat-isi-boiynsha-sot-protsesi-bastaldy/