Аға журналист

Дәрігерлер Астана көшесінде оқ жарақатын алған арнайы жасақ қызметкерінің жағдайы туралы айтты

Опубликовано:Бүгін, 15 қаңтар 2026, 17:03

Дәрігер жұмыс кезінде — Аурухана. Көрнекі фото: pexels.com

Астана қаласының қоғамдық денсаулық сақтау басқармасының өкілдері кеше оқ жарақатын алған полиция қызметкерінің жағдайы туралы айтты, деп хабарлайды KAZ.NUR.KZ.

Кеше Астанада "Сұңқар" арнайы жасағының қызметкері отырған көлікке оқ атылғаны мәлім болды. Оның аман қалғаны хабарланды.

NUR.KZ тілшісі Астана қалалық денсаулық сақтау басқармасына зардап шеккен адамның жағдайы туралы сұрап білді.

"14 қаңтарда Мирная көшесінде ер адам оқ жарақатын алды. Жедел жәрдем зардап шеккен адамды №2 қалалық ауруханаға жеткізді.

Пациенттің жағдайы тұрақты. Ота жасалды. Қазіргі уақытта пациент торакалды хирургия бөлімінде. Ол толық көлемде ем қабылдап жатыр", - деді басқармадағылар.

Еске сала кетейік, Астана қаласы полиция департаменті өкілдері 15 қаңтарда жолда кетіп бара жатқан автокөлік жүргізушісіне 21 жастағы қала тұрғыны аңшы мылтығынан оқ атқанын мәлім еткен болатын. Зардап шеккен азамат құқыққорғау органының қызметкері және оқиға болған кезде еңбек демалысында болған.

Болған оқиға туралы зардап шеккен арнайы жасақ қызметкерінің өзі "102"-ге қоңырау шалып, хабарлаған. Жедел іздестіру шаралары кезінде 21 жастағы күдікті ұсталды. Қазіргі таңда сотқа дейінгі тергеу жүргізіліп жатыр. Қару тәркіленді.

Мәтіннен қате тапсаңыз, бізге жазыңыз