Батареяға байлап қойған: Жетісуда баласын ұрды деген әйел қамауға алынды

Жетісу өңірінде зардап шеккен баланың анасы қамауға алынды, деп хабарлайды KAZ.NUR.KZ облыстық полиция департаментінің баспасөз қызметіне сілтеме жасап.

Ведомство өкілдері NUR.KZ тілшісіне әйелдің қамауға алынғанын растады.

Сондай-ақ іс Қылмыстық кодекстің 110-бабы "Азаптау" бойынша тергеліп жатқаны белгілі болды.

Естеріңізге сала кетейік, бұған дейін Жаркентте баласын ұрып-соқты деген күдікпен әйел ұсталғаны хабарланған. Қазір балалар отбасын қолдау орталығына орналастырылған.

Оқу-ағарту министрлігінің Балалар құқықтарын қорғау комитетінің мәліметінше, баласын батареяға байлап, ұрып-соқты деген анаға қатысты тергеу жүргізілуде. Қамқоршылық және қорғаншылық органдары оны ата-ана құқығынан айыру мәселесін қарастырады.

Мәтіннен қате тапсаңыз, бізге жазыңыз