Балалар омбудсмені жыныстық зорлыққа қатысты елдегі соңғы үш жағдай туралы пікір білдірді

Балалар омбудсмені Динара Зәкиева кәмелетке толмағандарға қатысты жыныстық зорлық оқиғалары туралы пікір білдірді, деп хабарлайды KAZ.NUR.KZ.

Динара Закиеваның Instagram желісіндегі stories-те жариялаған ақпаратына сәйкес, жақында қыз балаларға қатысты жыныстық қол сұғылмаушылық бойынша үш факті тіркелді, олар – Алматы, Батыс Қазақстан және Қостанай облыстарында.

Алматыдағы жағдай

Жақында желіде Алматыда 13 жастағы қыздың зорланғаны туралы хабарлама тарады. Қылмыстық іс бойынша әкесінің ВИЧ жұқтырған досы күдікке ілінді. Оқиға 2025 жылдың қыркүйегінде болған деп болжануда. Полиция бұл іс бойынша тергеу жүргізіп жатыр.

Анасы оқиға туралы алты айдан кейін ғана білгені айтылған. Осы уақыт ішінде қызға туыстары, адвокаттар және әкесі қысым көрсеткен, бұл қызға сотта айғақтарын өзгертуге себеп болды деп болжануда.

"2025 жылдың желтоқсанында іс сотқа жібберді. Тергеу нұсқасы бойынша іс өмір бойына бас бостандығынан айыру жазасын көздейтін баппен бойынша қозғалған. Сот процесі кезінде іс қайта сараланды. Біз Ішкі істер министрлігімен, анасымен және Лязат Ракишевамен байланыстамыз. Қыз мекемеде, қауіпсіз жерде. Психологиялық қолдау орталығы анасы мен қызын шақырды, олар байланыс орнатты", - деді балалар омбудсмені.

Батыс Қазақстан облысындағы жағдай

Бұған дейін Батыс Қазақстан облысындағы шенеуніктің кәмелетке толмаған қызды зорлады деген күдікке ілінгені хабарланған еді. Қыздың әкесі ер адам кәмелетке толмаған қызды 2 қаңтарда үйіне алдап шақырып, оған зорлық көрсеткен туралы мәлімдеген.

Кейінірек полиция тергеу барысында кәмелетке толмағанға қатысты зорлық-зомбылықтың ешқандай дәлелі анықталмағанын хабарлады. Дегенмен оқушының әкесі күдіктінің жазалануын талап етіп отырғаны белгілі болды.

"Облыстық комиссар әкесімен байланыста, олар психологиялық кеңес алудан бас тартты. Сонымен қатар аймақтық комиссар жеке жұмыс жүргізеді. Тергеу жүргізілуде", - деп атап өтті Зәкиева.

Сонымен қатар балалар омбудсменінің мәліметінше, Қостанай облысында тағы бір факт тіркелді. Прокуратураға істі қайта ашу туралы өтініш берілді.

Мәтіннен қате тапсаңыз, бізге жазыңыз