Жамбыл облысындағы әскери бөлімде қарауыл бастығы оқ жарақатынан көз жұмды

Жамбыл облысындағы әскери бөлімде оқ атылып, салдарынан қарауыл бастығы көз жұмғаны туралы желіде ақпарат жарияланды, деп хабарлайды KAZ.NUR.KZ.

Telegram-дағы SHYNDYK.KZ арнасының хабарлауынша, Жамбыл облысында ведомстволық күзет атқышы абайсызда мылтықтан оқ атып, ол қарауыл бастығына тиген.

"Екеуі де әскери қызметші емес, ІІМ Әскери-тергеу басқармасының қызметкерлері. Жараланған адам ауруханаға жеткізілді, бірақ оны аман алып қалу мүмкін болмады", - делінген жазбада.

Ішкі істер министрлігінің Әскери-тергеу басқармасы NUR.KZ тілшісіне қайғылы оқиғаға қатысты түсініктеме берді.

"Жамбыл облысында әскерилендірілген күзет қызметі азаматтық қызметкерінің өліміне қатысты сотқа дейінгі тергеу жүргізілуде.

Оқиғаның мән-жайы барлық қажетті тергеу әрекетінің нәтижелері мен бірқатар процессуалдық шара негізінде анықталады", - дейді ведомство өкілдері.

Мәтіннен қате тапсаңыз, бізге жазыңыз