Шымкентте балаларына қатыгездік танытқан анаға жаза тағайындалды

Шымкентте өз балаларына қатыгездік танытты деп айыпталған әйелге қатысты азаматтық іс қаралды, деп хабарлайды KAZ.NUR.KZ.

Шымкент соттарының ресми Telegram арнасында хабарланғандай, балалардың анасы ата-ана құқығынан шектелді.

• Шымкент қаласының кәмелетке толмағандардың істері жөніндегі мамандандырылған ауданаралық сотында Шымкент білім басқармасының жауапкер Э.-ні ата-ана құқығынан шектеу және алимент өндіру талабы бойынша азаматтық ісі қаралды.
• Сот жауапкер Э. кәмелетке толмаған төрт баланың анасы екенін, әкелері қазіргі таңда шет елде жүргенін анықтады.

Жауапкер Э.-нің кәмелетке толмаған балаларына қатысты қатыгездік танытқаны анықталған. Балалардың әкесі болған мән-жәйлардан хабардар.

Сот "Неке (ерлі-зайыптылық) және отбасы туралы" Қазақстан Республикасы кодексінің талаптарын және кәмелетке толмаған балалардың мүддесін негізге алып, білім басқармасының талабын қанағаттандырды.

Сот шешімі заңды күшіне енген жоқ.

Мәтіннен қате тапсаңыз, бізге жазыңыз