Алматыда заңгер әрі блогер Молдахан Әділетхан ұсталды

Алматы полициясы адвокат әрі блогер Молдахан Әділетханның ұсталғанын растады, деп хабарлайды KAZ.NUR.KZ.

"Алматы қаласының полиция департаменті азамат М.-ға қатысты көрінеу жалған ақпарат тарату дерегі бойынша сотқа дейінгі тергеп-тексеруді тіркеді.

Күдікті уақытша ұстау изоляторына қамалды. Тергеп-тексеру амалдары жалғасуда", - деп полиция қысқаша түсініктеме берді.

Айта кетейік, блогердің парақшасына 1 миллиондай адам жазылған.

Ал оның профилінде азаматтық, қылмыстық және әкімшілік істер бойынша заңгерлік кеңес беретіні айтылған.

Мәтіннен қате тапсаңыз, бізге жазыңыз