Алматының тау бөктеріндегі 2 млрд теңгелік жер учаскесі мемлекет меншігіне қайтарылды

Алматы прокуратурасы Іле Алатауының тау бөктеріндегі жер телімін мемлекетке қайтарды, деп хабарлайды KAZ.NUR.KZ қадағалаушы органның баспасөз қызметіне сілтеме жасап.

Қадағалау қызметі шеңберінде ауданы 4,2 га жер учаскесін жеке меншікке заңсыз берілгені анықталды.

Даулы учаске сауықтыру мақсатындағы жерлер қатарына кіреді және экологиялық желінің элементі болып табылады.

"Алатау ауданы прокуратурасының талап-арызы бойынша сот жасалған мәмілелерді жарамсыз деп тапты. Бірінші сатыдағы шешімді Алматы қалалық сотының сот алқасы күшінде қалдырды. Қабылданған шаралардың нәтижесінде құны 2 млрд теңгеден астам даулы жер учаскесі мемлекет меншігіне қайтарылды", - делінген Алматы қаласының прокуратурасы ұсынған ресми хабарламада.

Мәтіннен қате тапсаңыз, бізге жазыңыз