"Зорланған және өртеп жібермек болған деген болжам бар": Павлодар облысында әйелдің денесі табылды

Павлодар облысында әйелдің денесі табылғаны туралы желіде жазба тарады. "Адам өлтіру" бабы бойынша қылмыстық іс қозғалды, деп хабарлайды KAZ.NUR.KZ облыстық полиция департаментіне сілтеме жасап.

"Павлодар облысында, ферроқорытпа зауытынан үш шақырым жерде Ақсу қаласы бағытында әйелдің денесі табылғаны туралы ақпарат келіп түсті. Сондай-ақ әйел зорланған және оның денесін өртеп жібермек болған деген болжам бар", - делінген Telegram-дағы "Криминальный Қазақстан" арнасында.

Павлодар облыстық Полиция департаментінің мәліметінше, Ақсу қаласында әйелдің өлімі фактісі бойынша қылмыстық іс қозғалды.

"Полиция күдіктіні ұстап, уақытша ұстау изоляторына қамады. Оқиғаның барлық мән-жайын анықтау үшін қажетті тергеу шаралары жүргізілуде", - дейді ведомствоның баспасөз қызметі.

Мәтіннен қате тапсаңыз, бізге жазыңыз