Түркістан облысында оқушы қыз 21 жастағы жігітті қатыгездікпен өлтірді деген күдікке ілінді

Түркістан облысында кісі өлтіру фактісі тіркелді: пышақ жарақаты бар 21 жастағы ер адамның денесі табылды. Оқушы қыз қылмыс жасады деген күдікке ілінді, деп хабарлайды Almaty.tv.

Телеарна мәліметінше, жасөспірім ұсталып, уақытша ұстау изоляторына қамалған. Жастардың арасында не болғаны әзірге белгісіз. Полиция мән-жайды анықтауда.

Ал жасөспірім қыз 9-сыныпты бітірген.

"Кісі өлтіру фактісі бойынша сотқа дейінгі тергеу басталды. Күдікті ұсталып, уақытша ұстау изоляторына қамалды. Қазіргі уақытта оқиғаның барлық мән-жайын анықтау үшін қажетті шаралар қабылдануда", - деп пікір білдірген телеарнаға Түркістан облыстық полиция департаментінің баспасөз қызметі.

Мәтіннен қате тапсаңыз, бізге жазыңыз