Астанада тұрғын үй кешенінің ауласында болған жастар арасындағы жанжал тергеліп жатыр (видео)

Астанада тұрғын үй кешенінің ауласында жастар арасында жанжал болған. Полиция оқиғаның мән-жайын анықтауда, деп хабарлайды KAZ.NUR.KZ.

Астанадағы жаппай төбелес түсірілген видео Instagram-да kzsamat001 парақшасында жарияланды.

Видеода бірнеше адам бір адамды жерге құлатып, тепкілеп жатқаны көрсетілген. Сәл әрірек жерде екінші топ жанжалға қатысқан басқа адамға жабыла бастағаны байқалады.

"Қазақстанда шұғыл түрде Кәсіпкерлік кодексін өзгерту керек! Өйткені тұрғындардың барлық сұрауына дәл осы Кодекс пен жекеменшік мүлікке қол сұғылмаушылыққа сілтеп жауап беріледі.

Пайда бірінші орында екені түсінікті. Бірақ ар-намыс бірінші орында тұруы керек. Тұрғын үйлердегі дүкендер мен мекемелердің 22:00-ден кейін жұмыс істеуіне тыйым салатын уақыт келді. Бөлек ғимараттарда жұмыс істей берсін", - деп жазды автор.

Астана полиция департаменті жазбаға қатысты түсінік берді.

"Сарыарқа аудандық полиция бөлімі бұл оқиғаға қатысты бұзақылық бабы бойынша сотқа дейінгі тергеу жүргізіп жатыр.

Қазіргі уақытта оқиғаға қатысы бар адамдардың бәрін анықтау бойынша жедел тергеп-тексеру шаралары жүргізілуде. Тергеп-тексеру нәтижелері бойынша заңнамалық талаптарға сәйкес нақты процессуалдық шешім қабылданады", - деп мәлімдеді полиция департаментіндегілер.

Посмотреть эту публикацию в Instagram

Публикация от Самат Искаков (@kzsamat001)

Мәтіннен қате тапсаңыз, бізге жазыңыз