Екі ағайынды күдікке ілінген: алматылық полицейлер пәтер ұрлығымен айналысқан топтың жолын кесті

Алматыда төменгі қабаттағы пәтерлерге кіріп, ұрлық жасады деген күдікпен екі ағайынды азамат ұсталды, деп хабарлайды Алматы ПД-ға сілтеме жасаған KAZ.NUR.KZ.

Полиция департаментінің мәліметінше, Алматы маңында арнайы операция жүргізілген.

"Мегаполис полицейлері пәтер ұрлығымен айналысқан қылмыстық топтың ізіне түсіп, олардың жолын кесті. Күдіктілер – басқа өңірден келген ағайынды екі азамат. Олар батыл әрі алдын ала ойластырылған тәсілмен әрекет еткен. Қаланың таулы аудандарындағы бірінші және екінші қабаттағы пәтерлерді нысанаға алып отырған", - делінген хабарламада.

Қылмыстық схема бірізді болған: терезе торын бұзып кіру, үй ішін жедел тінту және бағалы әрі ықшам заттарды қолды ету, санаулы минуттың ішінде ізін суыту.

"Жедел-іздестіру іс-шараларының нәтижесінде күдіктілер ұсталып, қамауға алынды. Қазіргі уақытта олардың кемінде бес пәтер ұрлығына қатысы бар екені анықталды ", - деп мәлімдеді қалалық ПД.

Сонымен қатар полиция қызметкерлері күдіктілердің осыған ұқсас өзге де қылмыстарға қатысы бар-жоғын тексеріп жатыр.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Мәтіннен қате тапсаңыз,бізге жазыңыз