Астанада полиция әуежай маңында жайылған есектің иесін тауып, жауапқа тартты

Астана қаласындағы әуежай маңына есегін жайған ер адам жауапқа тартылды, деп хабарлайды KAZ.NUR.KZ.

Қалалық полиция департаментінің мәліметінше, 28 маусымда полиция қызметкерлері әуежай маңынан қараусыз жүрген есекті анықтады. Жануар қоғамдық орында еркін жүріп жүрген.

"Полиция қызметкерлері есекті ұстап, кейін оның иесін тапты. Белгілі болғандай, есек қала маңында орналасқан саяжай учаскесінің аумағынан өздігінен шығып кеткен. Осы факті бойынша 42 жастағы иесі ауыл шаруашылығы жануарларын жаю ережелерін бұзғаны үшін әкімшілік жауаптылыққа тартылды", - делінген ПД хабарламасында.

Полиция ауыл шаруашылығы жануарларының иелеріне оларды күтіп-бағу және жаю ережелерін сақтау қажеттігін ескертеді. Жануарларды бақылаусыз жаю жол қозғалысы қауіпсіздігіне қатер төндіріп, жол-көлік оқиғаларына әкелуі мүмкін. Иелері жануарлары ауладан өздігінен шығып кетпес үшін қажетті шаралар қабылдауға тиіс.

Мәтіннен қате тапсаңыз, бізге жазыңыз