4 тонна алтын құрамды материал, 446 грамм алтын құймасы: Ақмола облысында заңсыз алтын өңдейтін цех анықталды
Жарияланған күні:
Ақмола облысында алтында заңсыз өңдейтін цех анықталды. Тінту барысында қару мен оқ-дәрілер табылды, деп хабарлайды ҚМА-ға сілтеме жасаған KAZ.NUR.KZ.
Ведомство хабарлауынша, Қаржылық мониторинг агенттігінің Ақмола облысы бойынша департаменті прокуратураның үйлестіруімен Шортанды ауданы аумағында бағалы металдарды заңсыз өндірумен айналысқан адамдар тобының қызметін тоқтатқан.
Жедел-іздестіру шаралары барысында құрамында алтыны бар кенді өңдеуге және бағалы металдарды бөліп алуға арналған жасырын цех анықталды.
"Кенді ұсақтауға және балқытуға арналған жабдық, салмағы 446 грамм алтын құймасы, 4 тонна алтын құрамды материал, 6 келі сынап, сондай-ақ 2 млн теңгеден астам және 8 мың АҚШ доллары көлеміндегі ақшалай қаражат тәркіленді.
Тінту барысында қару мен оқ-дәрілер табылды. Қазіргі уақытта заңсыз қызметке қатысы бар барлық тұлғалар, сондай-ақ заңсыз өндірілген бағалы металдардың көлемі анықталуда. Ұйымдастырушы қамауға алынды. Тергеу жалғасып жатыр", - делінген хабарламада.
Өзге ақпарат Қылмыстық-процестік кодексінің 201-бабына сәйкес өзге жария етілмейді.
Мәтіннен қате тапсаңыз, бізге жазыңыз
