"Тіс емдеткеннен соң жақ сүйегінің бір бөлігі зақымданды": Ақтауда 9 жасар баланың ата-анасы полицияға шағымданды

Ақтаулық тоғыз жасар бала тісін емдеткеннен кейін асқынып, салдарынан Астанада ем алып жатыр. Анасының оқиғаны тергеуді талап етуде, деп хабарлайды Lada.kz-ке сілтеме жасаған KAZ.NUR.KZ.

Ақтаулық тоғыз жасар бала облыстық стоматологиялық орталықта тісін емдеткеннен кейін ауыр жағдайға тап болды. Отбасы асқынулар медициналық процедуралардан кейін басталды деп есептеп, қылмыстық тергеуді талап етіп отыр.

Анасы Ақмарал Қалжанованың айтуынша, 2026 жылдың ақпанында ол ұлын профилактикалық тексеруге апарған. Баланың ауырсынуға қатысты шағымы болмаған.

"Емдеуші дәрігер баланы алдын ала рентгендік тексерусіз анестезиямен емдеуге жіберді. Мені медициналық мекеменің ішкі ережелерін алға тартып, кабинетке кіргізбеді", - дейді әйел.

Оның айтуынша, процедурадан кейін тіске пломба қойылмаған, ал қайта қабылдау екі аптадан кейінге белгіленген. Кейінірек, анасының сөзіне қарағанда, құжаттарда емдеу процесі аяқталды деп көрсетілгені анықталған.

"Екі аптадан кейін қайта барғанымызда, басқа дәрігер электронды дерекқордан алдыңғы қабылдау туралы ақпаратты таба алмады", - деді Ақмарал Қалжанова.

Әйелдің айтуынша, кейінірек балаға бірнеше рет мышьяк пастасы жаққан. Содан кейін қатты ауырсыну мен беті ісіп, артынша іріңдеп кеткен.

"Астанада балаға остеомиелит және төменгі жақ сүйегінің секвестрі деген диагноз қойылды. Екі операция барысында дәрігерлер шамамен 15 грамм зақымданған сүйек тінін алып тастады", - делінген жарияланымда.

Қазір бала елордада ем алып жатыр. Анасының айтуынша, жақ сүйегінің 60-70%-ы зақымданған, алда тағы бір операция күтіп тұр.

"Біз әлі де Астанадамыз, ем алып, физиопроцедуралар жасатып жатырмыз. Ең өкініштісі, кінәлілер ұлымның жағдайын тіпті сұрамайды. Мен кінәлілер жазасыз қалуын қаламаймын", - деді әйел.

Маңғыстау облыстық денсаулық сақтау басқармасы отбасының шағымынан кейін медициналық көмек сапасына ішкі аудит жүргізіп, құжаттарды тексергенін хабарлады.

"Қызметтік тергеу мен хаттамалық кеңестің қорытындысы бойынша стоматолог дәрігерлер Е. Қасыраева мен М. Мырзағұловаға сөгіс түріндегі тәртіптік жаза қолданылды", - деп хабарлады басқарма.

Отбасы бұл шешіммен келіспей, Маңғыстау облыстық полиция департаментіне арызды тіркеуді және сотқа дейінгі тергеу жүргізуді талап етіп шағымданды.

Мәтіннен қате тапсаңыз,бізге жазыңыз