Иесі алдыңғы орындықта жатқан: Көкшетауда өзгенің көлігін айдап әкетпек болған тұрғын ұсталды

Көкшетауда полицейлер өзгенің көлігін айдап әкетпек болған адамның жолын кесті. Бір қызығы, қылмыс жасалып жатқан уақытта көлік иесі салонда ұйықтап жатқан, деп хабарлайды KAZ.NUR.KZ Ақмола облыстық ПД баспасөз қызметіне сілтеме жасап.

Ведомствоның баспасөз қызметі хабарлағандай, түнде Петропавл қаласының 26 жастағы тұрғыны дәмханада демалғаннан кейін мас күйінде бейтаныс адамның Changan CS75 Plus көлігін айдап әкеткен.

Таңғаларлығы, сол сәтте көлік иесі алдыңғы жолаушылар орындығында ұйықтап жатқан.

Күдікті көлікпен небәрі 10 метрдей қашықтықты еңсерген, содан кейін оны патрульдік полиция батальонының қызметкерлері тоқтатқан.

Факті бойынша қылмыстық іс қозғалды. Ер адамның әрекеті "Автомобильдi немесе өзге де көлiк құралын ұрлау мақсатынсыз заңсыз иеленіп алу (айдап әкету)" бабы бойынша қарастырылып жатыр.

Тергеу амалдары жүргізілуде.

Мәтіннен қате тапсаңыз,бізге жазыңыз