ҰҚК Алматы, Шымкент қалаларында және 8 өңірде 31 қару мен 278 оқ-дәрі тәркіледі (фото)

Алматы, Шымкент және Қазақстанның 8 өңірінде қару-жарақ пен оқ-дәрілер тәркіленді. Қазіргі уақытта жедел-тергеу амалдары жүргізіліп жатыр, деп хабарлайды ҰҚК-ға сілтеме жасаған KAZ.NUR.KZ.

Ведомствоның Telegram-дағы ресми арнасында хабарланғандай, биыл шілдеде Алматы, Шымкент қалаларында және Қазақстанның 8 өңірінде қару-жарақтың заңсыз айналымының жолын кесу бойынша жедел-іздестіру іс-шаралары жүргізілген.

Ұлттық қауіпсіздік комитеті бұл іс-шараларды полиция органдарымен бірлесіп және прокуратураның үйлестіруімен жүзеге асырған.

Оның барысында барлығы 31 бірлік қару, оның ішінде 4 автомат, 20 мылтық, 7 тапанша, 2 граната және 278 оқ-дәрі тәркіленген.

ҰҚК қазір жедел-тергеу амалдары жүргізіліп жатқанын, Қылмыстық-процестік кодекстің 201-бабына сәйкес өзге ақпарат жарияланбайтынын мәлім етті.

Мәтіннен қате тапсаңыз,бізге жазыңыз