"Қатты ыстық пен қапырық": Қостанайда 14 жастағы жасөспірім ұйықтап жатқан жерінде көз жұмды

Желіде Қостанайдағы балаларға арналған арнаулы әлеуметтік қызмет көрсету орталығында 14 жастағы жасөспірімнің қайтыс болғаны туралы ақпарат тарады. Аталған дерек бойынша қазір полиция тексеру жүргізіп жатыр, деп хабарлайды KAZ.NUR.KZ.

Әлеуметтік желідегі мәліметтерге сәйкес, 28 шілдеде күндіз 14 жастағы мүгедектігі бар жасөспірім ұйықтап жатқан жерінде көз жұмған.

"Интернат қызметкерлерінің айтуынша, баланың жүрегі тоқтап қалған. Олар баланың жағдайы орталық бөлмелеріндегі қатты ыстық пен қапарықтан нашарлап кетуі мүмкін екенін жоққа шығармайды.

Сонымен қатар өлімнің нақты себебі тек медициналық зерттеулер мен оқиғаның барлық мән-жайын объективті тексеру нәтижелері бойынша анықталуға тиіс", - делінген жазбада.

Қостанай облыстық полиция департаменті NUR.KZ тілшісіне кәмелетке толмаған баланың өліміне байланысты полиция тексеруді бастағанын хабарлады.

"Қажетті процессуалдық әрекеттер жасалып жатыр, оның нәтижелері бойынша құқықтық баға беріліп, Қазақстан Республикасының қолданыстағы заңнамасына сәйкес процессуалдық шешім қабылданады", - деп түсіндірді ведомствоның баспасөз қызметі.

Мәтіннен қате тапсаңыз,бізге жазыңыз