СҚО-да алимент төлеуден жалтарған әке бас бостандығынан айырылды

СҚО-да бес жылдан бері алименттен жалтарып жүрген әке сотталды. Ол бір жылға бас бостандығынан айырылды, деп хабарлайды "Жетінші" арна.

Оның бауыр еті баласына еш көмек көрсетпегеніне бес жылдан асып кеткен. Сот шешімімен ол бір жылға бас бостандығынан айырылды.

Жалпы бүгінгі күні өңірдегі жеке сот орындаушыларының өндірісінде 9 мыңнан астам іс бар. Ал ата-аналардың жалпы қарызы – 2,5 миллиард теңге. Жыл басынан бері алимент төлемеген жүзге жуық адам әкімшілік жауапкершілікке тартылды.

"Сот орындаушысы борышкерге ресми түрде жұмысқа орналасып, алимент бойынша берешегін өз еркімен өтеу қажеттігін талай рет ескерткен. Алайда ол бұл талаптарды елемеді. Ресми түрде еңбек етпеген. Осылайша тапқан табысын жеке басының қажеттілігіне жұмсап отырған", - дейді облыс прокурорының аға көмекшісі Рустам Саденов.

Мәтіннен қате тапсаңыз,бізге жазыңыз