Контент-ресечер

Балқашта көлігімен суға кірген жүргізуші қамауға алынды

Жарияланған күні:Бүгін, 30 шілде 2026, 14:49

Алматы облысындағы Балқаш көлінде шомылып жүрген адамдарға қарамастан көлігімен суға кірген жүргізуші 10 тәулікке қамауға алынды, деп хабарлайды KAZ.NUR.KZ.

Telegram-дағы "ҚР ІІМ жаңалықтары" арнасында хабарланғандай, полиция қызметкерлері Алматы облысы Жамбыл ауданындағы Балқаш көлінің жағалауы мен суында көлік жүргізген 40 жастағы Mercedes-Benz жүргізушісін анықтаған.

Бұл уақытта мұнда адамдар, соның ішінде балалар демалып, шомылып жүрген.

"Ол өз әрекетімен айналасындағылардың өмірі мен денсаулығына қауіп төндірген", - делінген хабарламада.

Құқық бұзушы Тараз қаласының тұрғыны болып шықты. Сот шешімімен ол 10 тәулікке әкімшілік қамауға алынған. Автокөлік арнайы тұраққа қойылған.

Естеріңізге сала кетейік, оқиға Балқаш көліндегі Үлкен ауылының жағажайында болған. Жүргізушінің бұл әрекеті түсірілген видео әлеуметтік желілерде тарады.

Мәтіннен қате тапсаңыз,бізге жазыңыз