ҰҚК Қазақстанда Оңтүстік Кореяның 14 азаматын ұстады (видео)

ҚР Ұлттық қауіпсіздік комитеті Қазақстанда Оңтүстік Кореяның 14 азаматы ұсталғанын мәлімдеді, деп хабарлайды KAZ.NUR.KZ.

Ведомствоның мәліметінше, Оңтүстік Кореяның құқық қорғау органы ұсталған азаматтарға қатысты ұйымдасқан қылмыстық топтың құрамында телекоммуникациялық жүйелерді пайдалана отырып, алаяқтық әрекеттер жасау дерегі бойынша қылмыстық істі тергеп-тексеруде.

"Олардың тұрғылықты жерлерін тінту нәтижесінде заңсыз әрекетте қолданылған компьютерлік техника, ұялы телефондар мен ноутбуктер табылды", - делінген хабарламада.

Ұсталғандар процестік іс-әрекеттер жүргізу және одан әрі депортациялау үшін уақытша ұстау изоляторына жеткізілген.

Мәтіннен қате тапсаңыз,бізге жазыңыз