Алматыда кәмелетке толмаған қыздың соққыға жығылған сәтінің видеосы: жаңа деректер айтылды

Алматы қалалық Балалардың құқығын қорғау басқармасының басшысы Жанат Айтпаева видеосы кеңінен таралған кәмелетке толмаған қызды ұрып-соғу оқиғасына қатысты мәліметтерді баяндады, деп хабарлайды NUR.KZ.

Бұған дейін желіде бір топ қыз құрдасын ұрып, шашынан сүйреп, қорлап, тізерлетіп, болған жайтты видеоға түсіріп жатқан видеосы тараған. Полиция бұл дерек бойынша қылмыстық іс қозғалғанын мәлімдеген еді.

Жанат Айтпаева бұл оқиға биыл наурызда болғанын хабарлады.

"Қылмыстық іс бопсалау бабы бойынша қозғалды. Ата-аналарғажәне білім беру ұйымына түсіндіру жұмыстары жүргізілді. Іс құқық қорғау органдарының қарауында", - деді Айтпаева Өңірлік коммуникациялар қызметінде өткен брифингте.

Мәтіннен қате тапсаңыз,бізге жазыңыз