Өткен айда 150 тоннадан астам жанар-жағармай шетелге заңсыз өткізілмек болған

ҰҚК Шекара қызметі өткен айда ведомство қызметкерлері анықтаған заң бұзушылықтар туралы мәліметті жариялады. 5000-ға жуық адам ұсталған, деп хабарлайды KAZ.NUR.KZ.

ҰҚК Шекара қызметі шілдеде құзырлы органдармен бірлесіп, шекара кеңістігінде 4 975 Қазақстан заңнамаларын бұзған 4975 адамды ұстады, соның ішінде 4 346-сы – шетел азаматтары.

Ведомство мәліметінше, жалпы сомасы 3,9 млрд теңге болатын тауарлар мен жүктерді шекара арқылы заңсыз өткізудің 2 476 фактісінің алды алынды.

Оның ішінде:

• 39 факті – есірткі заттары;
• 88 факті – қарулар мен оқ-дәрілер (108 дана суық қару, 2131 дана оқ-дәрі);
• 1 808 факті – көлемі 150 тоннадан асатын мөлшерде жанар-жағармай материалдары, жалпы сомасы 33,4 млн теңге;
• 392 факті – жалпы сомасы 1,3 млрд теңгеден астам халық тұтынатын тауарлар;
• 149 факті – сомасы шамамен 2,1 млрд теңгені құрайтын шетел валютасы.

Ал Каспий акваториясында браконьерлікпен айналысудың 34 фактісінің алды алынды, 24,6 км браконьерлік құрал, сондай-ақ 103 дана бекіре тұқымдас балық (580 кг) тәркіленді. Шығын сомасы 251 млн теңгеден астам болар еді.

Шекара қызметі 63 қылмыстық іс қозғап, тергеу шараларын жүргізіп жатыр.Сондай-ақ 38 млн теңгеден астам көлемде айыппұл салынған 4 295 әкімшілік іс өндірісте.

Қалған фактілер бойынша материалдар процестік шешімдер қабылдануы үшін құқық қорғау және сот органдарына жіберілген.

Мәтіннен қате тапсаңыз,бізге жазыңыз