ҰҚК Астананың көші-қон қызметі бастығының орынбасарына қатысты тергеу жүріп жатқанын хабарлады

Желіде Астана полиция департаментінің Көші-қон қызметі басқармасы бастығының орынбасары ұсталғаны туралы ақпарат тарады. ҰҚК тергеу басталғанын мәлімдеді, деп хабарлайды KAZ.NUR.KZ.

Жақында Telegram-дағы Kozachkov offside арнасында Астана полиция департаментінің Көші-қон қызметі басқармасы бастығының орынбасары Әлия Мақаеваның ұсталғаны туралы ақпарат жарияланды. Жарияланымда оның заңсыз көші-қонды ұйымдастыру ісі бойынша изоляторға қамалғаны айтылған.

NUR.KZ тілшісі пікір алу үшін Ұлттық қауіпсіздік комитетіне жүгінді.

"Қазіргі уақытта сотқа дейінгі тергеу амалдары жүргізіліп жатқанын хабарлаймыз. Қылмыстық-процестік кодекстің 201-бабына сәйкес, өзге ақпарат жарияланбайды", - деп жауап берді ҰҚК-нің баспасөз қызметі.

Сондай-ақ істің нақты қай бап бойынша тергеліп жатқаны да хабарланбады.

Мәтіннен қате тапсаңыз,бізге жазыңыз