ҰҚК есірткі жеткізудің 33 халықаралық арнасын жойды

Ұлттық қауіпсіздік комитеті жыл басынан бері Қазақстанда есірткі құралдарының заңсыз айналымына қарсы атқарылған жұмыстар туралы мәлімдеді, деп хабарлайды KAZ.NUR.KZ.

ҰҚК-ның Telegram-дағы арнасында хабарланғандай, жыл басынан бері есірткі жеткізудің 33 халықаралық және 11 өңірлік арнасы жойылған, үш жасырын зертхананың қызметіне тосқауыл қойылған.

"Барлығы 3,2 кг героин, 8 кг метамфетамин, 70,6 кг апиын, 129,7 кг гашиш, 16 кг гашиш майы, 282 кг марихуана, 156,5 кг қарасора, 56,4 кг психотроптық заттар, сондай-ақ 20 тонна көкнәр сабанының шикізаты мен 3,8 тоннадан астам прекурсорлар тәркіленді", - делінген хабарламада.

Сонымен қатар шет мемлекеттердің құзыретті органдарымен өзара іс-қимыл барысында есірткіге қарсы 21 халықаралық операция жүргізілген.

Бұл құқық бұзушылықтарды жасады деген күдікпен Қазақстанның 114 азаматы және 7 шетелдік ұсталған.

Сондай-ақ шекаралас мемлекеттердің аумағында халықаралық қылмыстық топтардың 14 қатысушысының жолы кесілген.

Мәтіннен қате тапсаңыз,бізге жазыңыз