Тараз тұрғыны дрифт жасағаны үшін 10 тәулікке қамалды
Жарияланған күні:
Түнгі уақытта бейнебақылау камераларының біріне BMW автокөлігімен қауіпті дрифт жасау дерегі тіркелді. Жүргізілген іс-шаралар нәтижесінде полиция қызметкерлері құқық бұзушыны анықтап, ұстады, деп хабарлайды KAZ.NUR.KZ қала полициясына сілтеме жасап.
Полиция мәліметінше, ол облыс орталығының 25 жастағы тұрғыны болып шықты. Жол қозғалысы қағидаларын өрескел бұзғаны үшін ол сот шешімімен 10 тәулік мерзімге әкімшілік қамауға алынды.
"Бұл Таразда дрифт жасағаны үшін жауапкершілікке тартылған алғашқы жағдай емес. Осындай әрбір құқық бұзушылық полицияның ерекше бақылауында. Ортақ пайдаланудағы автомобиль жолдарында дрифт жасау және жол қозғалысына қауіп төндіретін өзге де қауіпті маневрлер жасау заңнамада көзделген жауапкершілікке, оның ішінде әкімшілік қамауға әкеп соғады", - делінген хабарламада.
Мәтіннен қате тапсаңыз,бізге жазыңыз
Оригинал статьи: https://kaz.nur.kz/accidents/crime/2408489-taraz-turgyny-drift-zhasagany-ushin-10-taulikke-qamaldy/
