Атырауда ұлын алты рет пышақтаған ер адамға шартты жаза тағайындалды

Атырауда ұлын алты рет пышақтаған ер адамға 3 жыл шартты жаза тағайындалды, деп хабарлайды "Астана" арнасы.

Сот барысында 57 жастағы азамат айыпты толық мойындаған. Оқиға қала маңындағы Томарлы ауылында сәуір айында болған.

Анықталғандай, ұлы тойдан келіп, масаң күйде ұйықтап жатқан әкесінің үстіне отырып алып, тұншықтыра бастайды. Ұлының әрекетіне ашуланған әкесі қорғану мақсатында ас үй пышағымен бірнеше рет соққы жасаған.

Сот-медициналық сараптамаға сәйкес, ұлы іш тұсынан бір, арқасынан 5 рет пышақ жарақатын алғаны анықталған. Оқиғадан кейін әкесі мен баласы татуласқан. Ұлы жанжалды өзі бастағанын мойындап отыр.

Сот ер адамға 3 жыл мерзімге шартты жаза тағайындап, сот залынан босатты.

Мәтіннен қате тапсаңыз,бізге жазыңыз