Анасына пышақ жарақатын салды деген күдікті Вьетнамда ұсталып, Қазақстанға жеткізілді

Анасына пышақпен соққы жасады деп күдікке ілінген азамат Вьетнамнан Қазақстанға экстрадицияланды. Бұл туралы Бас прокуратураға сілтеме жасаған KAZ.NUR.KZ хабарлайды.

Ведомствоның мәліметінше, Вьетнамнан денсаулыққа қасақана ауыр зиян келтіргені үшін қылмыстық жауаптылыққа тарту мақсатында Қазақстан азаматы экстрадицияланған.

Ол былтыр қарашада өз үйінде алкогольдік масаң күйде болып, жанжалдан кейін анасына пышақпен бірнеше рет соққы жасады деген күдікке ілінген.

"Қылмыс жасағаннан кейін заңда белгіленген жауаптылықтан жалтару мақсатында күдікті қылмыстық қудалау органынан бой тасалап, осыған байланысты халықаралық іздеуге жарияланды.

Жедел-іздестіру іс-шаралары барысында оның Вьетнам Социалистік Республикасының аумағында жүргені анықталып, маусым айында ол Дананг қаласында ұсталды, содан кейін Қазақстан Республикасы Бас прокуратурасының сұрауы бойынша елге экстрадицияланды", - делінген хабарламада.

Қазіргі уақытта күдікті уақытша ұстау изоляторына қамалған.

Посмотреть эту публикацию в Instagram

Публикация от Қазақстан Республикасының Бас прокуратурасы (@prokuratura.govkz)

Мәтіннен қате тапсаңыз,бізге жазыңыз