Шымкент тұрғыны бұрынғы әйелінің үстіне сұйықтық құйып, денсаулығына зиян келтірді деген күдікпен ұсталды

Шымкентте ер адам бұрынғы әйелінің үстіне сұйықтық құйып, оған дене жарақатын келтірді деген күдікке ілінді. Ол Алматыда ұсталды, деп хабарлайды KAZ.NUR.KZ Шымкент қаласы ПД баспасөз қызметіне сілтеме жасап.

2 тамызда Шымкент қаласының тұрғыны ауруханаға жеткізілген. Әйел денесіндегі жарақаттарға шағымданған.

"Оның бұрынғы күйеуі алдап кездесуге шақырып, әйелдің үстіне сұйықтық құйып, оқиға орнынан бой тасалаған", - дейді Шымкент қаласы ПД өкілі.

Аталған дерек бойынша полиция департаменті қылмыстық іс қозғады.

Жедел іздестіру шаралары барысында полиция қызметкерлері күдіктінің жеке басын анықтап, сол күні Алматы қаласында ұстады.

Қазіргі уақытта күдікті қамауға алынды.

Тергеу барысы полиция департаменті басшылығының бақылауында.

Посмотреть эту публикацию в Instagram

Публикация от Шымкент Қаласының Полиция Департаменті (@police_shymkent)

Мәтіннен қате тапсаңыз,бізге жазыңыз