"Тыйымды заңсыз алып тастаған": Алматыда сот орындаушысы лицензиясынан айырылды

Алматыда борышкердің банк шотындағы тыйымды заңсыз алып тастаған сот орындаушысы лицензиясынан айырылды. Бұл туралы қалалық прокуратураға сілтеме жасаған KAZ.NUR.KZ хабарлайды.

Қала прокуратурасы жеке сот орындаушысының қызметін тексеру барысында заңнама талаптарының өрескел және жүйелі түрде бұзылғанын анықтаған.

"ЖСО талап-арызды қамтамасыз ету жөніндегі соттың қабылдаған шараларына қарамастан, борышкердің банктік шотынан екі рет заңсыз тыйым салуды алып тастағаны анықталды.

Нәтижесінде өндіріп алушының құқықтары бұзылған, өйткені жауапкер ақша қаражатына кедергісіз пайдалану мүмкіндігіне ие болған, бұл сот актісінің нақты орындалуына қауіп төндірді", - делінген хабарламада.

Тексеру нәтижелері бойынша жеке сот орындаушысының лицензиясын тоқтату туралы қадағалау актісі енгізілген. Сот бұл ұсыныспен келісіп, жеке сот орындаушысы өз қызметімен айналысу құқығынан айырылған.

Мәтіннен қате тапсаңыз,бізге жазыңыз