Алматы жолдарындағы жағдай: бір тәулікте мыңдаған ереже бұзушылық тіркелді

Алматыда өткен тәулікте жол қозғалысы ережелерін бұзудың 2 061 дерегі анықталды – 33 автокөлік айып тұрағына қойылды, деп хабарлайды мегаполис прокуратурасына сілтеме жасаған KAZ.NUR.KZ.

Алматы қалалық прокуратурасының баспасөз қызметінің ақпаратына сәйкес, анықталған бұзушылықтардың ішінде 252-сі ең қауіпті деп танылған. Олар жол қозғалысына қатысушылардың өмірі мен денсаулығына жоғары қауіп төндірген.

Ең көп тіркелген ереже бұзушылықтар қатарында мыналар бар: қауіпсіздік белдігін тақпау – 128 дерек, маневр жасау ережелерін сақтамау – 68 дерек және көлік жүргізу кезінде ұялы телефонды пайдалану – 35 дерек.

Анықталған басқа да бұзушылықтар:

• қарсы бағытқа шығу – 9 дерек;
• мас күйінде көлік жүргізу – 7 дерек;
• жалған мемлекеттік тіркеу нөмірімен жүру – 3 дерек;
• көлік жүргізу құқығынан айырылған адамның көлік тізгіндеуі – 2 дерек.

Жалпы саны 33 көлік арнайы айып тұрағына қойылған.

Мәтіннен қате тапсаңыз,бізге жазыңыз