Жамбыл облысында аутист баланың қол-аяғын байлап тастаған: қылмыстық іс қозғалды (видео)

Қазақстандықтар желіде Жамбыл облысындағы оңалту орталықтарының бірінде түсірілген видеоны талқылап жатыр. Онда аутист баланың қол-аяғы байланғаны көрсетілген. Оқиғаға қатысты полиция департаменті пікір білдірді, деп хабарлайды KAZ.NUR.KZ.

Жамбыл облысындағы оңалту орталықтарының бірінде түсірілген видео Instagram-дағы Bairaq media парақшасында жарияланды.

"Баланың әпкесінің айтуынша, оңалту орталығының тәрбиешілері сөйлей алмайтын інісінің қол-аяғын байлап, оны ұйықтатпақ болған. Оның сөзінше, тәрбиеші бұған дейін де балаға қол көтерген. Содан кейін туыстары бала басынан жарақат алып, жедел жәрдем көлігімен ауруханаға жеткізілгенін хабарлады.

Алайда балабақша өкілі оқиғаға қатысты өз нұсқасын айтты. Ол мекемеде өз-өзіне зиян келтіретін балалар бар екенін мәлімдеді", - делінген жазбада.

Бұған қатысты Жамбыл облыстық полиция департаменті жауап берді.

"Аталған факті бойынша Қазақстан Республикасы Қылмыстық кодексінің 140-бабы 2-бөлігімен қылмыстық іс қозғалды.

Қазіргі уақытта оқиғаның мән-жайы анықталып жатыр. Тергеу амалдары жүргізілуде. Оқиғаға қатысы бар тұлғалардың әрекетіне заңға сәйкес баға беріледі.

Тергеу Жамбыл облысы ПД басшылығының бақылауында", - делінген түсінікте.

Посмотреть эту публикацию в Instagram

Публикация от BAIRAQ MEDIA (@bairaq_media)

Мәтіннен қате тапсаңыз,бізге жазыңыз