"Тұтас арсенал табылды": Алматыда қару-жарақ жасырылған орын анықталды (видео)

Алматыда полицейлер қару-жарақ пен оқ-дәрілер жасырылған орынды тапты, деп хабарлайды мегаполис полициясына сілтеме жасаған KAZ.NUR.KZ.

Алматы қалалық ПД-ның баспасөз қызметі мәлімдегендей, Ұйымдасқан қылмысқа қарсы күрес басқармасының қызметкерлері Дархан шағынауданында, өзен маңынан қару-жарақ жасырылған орынды анықтаған.

"Оның ішінен тұтас арсенал табылды. Полиция қызметкерлері газды тапаншалар, граната, сондай-ақ тегіс ұңғылы мылтықтардың кесінділерін тәркіледі. Барлық тәркіленген зат сот-баллистикалық сараптамаға жіберілді", - делінген хабарламада.

Мамандар табылған қару мен оқ-дәрілердің шығу тегін, кімге тиесілі екенін, сондай-ақ аталған жасырын орынның қашан және қандай жағдайда жасалғанын анықтауы тиіс.

Аталған факті бойынша қылмыстық іс қозғалған.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Мәтіннен қате тапсаңыз,бізге жазыңыз