Ұлытау облысында пәтер өртеніп, төрт бала құтқарылды

Сәтбаев қаласындағы бес қабатты үйдің екінші қабатындағы пәтерден өрт шықты. Төтенше жағдайлар министрлігінің мәліметінше, ғимараттан 19 тұрғын шығарылды, олардың арасында төрт бала болған, деп хабарлайды KAZ.NUR.KZ.

Өрт Ұлытау облысы Сәтбаев қаласындағы Ерден көшесінде орналасқан көпқабатты үйде болды. Жалын екінші қабаттағы пәтерден шыққан.

"ТЖМ бөлімшелері оқиға орнына жедел жетіп, барлау жұмыстарын жүргізуге және тұрғындарды эвакуациялауға кірісті. ТЖМ қызметкерлерінің жедел әрекетінің арқасында 15 шаршы метр аумақтағы өрт сөндірілді. Құтқарушылар 19 адамды, оның ішінде 4 баланы эвакуациялады", - делінген хабарламада.

Айта кетейік, зардап шеккендер жоқ. Өрттің шығу себебі анықталып жатыр.

Мәтіннен қате тапсаңыз,бізге жазыңыз