Желіде бейәдеп сөйлеп видео жариялаған қазақстандық қамауға алынды

Оралда полиция қызметкерлері желіге жүргізілген мониторинг барысында бейәдеп сөз бен өзге азаматтарға қатысты балағат сөз айтқан адам қамауға алынды, деп хабарлайды KAZ.NUR.KZ IIМ-нің Telegram-дағы арнасына сілтеме жасап.

Оралда полиция қызметкерлері әлеуметтік желіге мониторинг барысында бейәдеп сөздер мен өзге азаматтарға қатысты балағат сөздер айтылған бейнежазбаны анықтады.

"Жүргізілген іс-шаралар барысында бейнежазбаның авторы анықталды. Ол – Орал қаласының 30 жастағы тұрғыны болып шықты. Сот шешімімен құқық бұзушы 5 тәулік мерзімге әкімшілік қамауға алынды", - делінген хабарламада.

Тәртіп сақшылары интернет-кеңістігінде құқық бұзушылықты анықтау және жолын кесу мақсатында ұдайы түрде мониторинг жүргізілетінін, заң талаптарын бұзған адамдар міндетті түрде жауапқа тартылатынын еске салады.

Мәтіннен қате тапсаңыз,бізге жазыңыз